Blood in Many Colours !
మనిషి రక్తం ఎర్రగా ఉంటుంది కదా అని అన్ని జీవుల్లో రక్తం ఎర్రగా ఉండదు. రంగు రంగుల రక్తం గురించి చెప్పుకుందాం. ఈ అద్భుతాల లోకంలో ఆకుపచ్చ రంగు రక్తం, నీలం రంగు, ఊదా రంగు, పసుపు రంగు రక్తం ఉన్న జీవులు కూడా ఉన్నాయి. మన రక్తం ఎరుపు రంగులో ఉండటానికి కారణం, హీమోగ్లోబిన్. ఇందులో ఉన్న ఇనుము ఆక్సిజన్ తో కలసినప్పుడు ఎర్ర రంగు వస్తుంది. మరి కొన్ని జంతువుల్లో రక్తం ఆకుపచ్చగా, నీలంగా, ఊదా రంగుల్లో ఎందుకు ఉంటుంది ? ఆక్టోపస్, స్క్విడ్, పీతల్లో రక్తం నీలంగా ఉండటానికి కారణం వీటిలో హీమోగ్లోబిన్ కి బదులుగా హీమోసయానిన్ ఉంటుంది. ఇందులో కాపర్ ఉండటంతో ఆక్సిజన్ తో కలిసినప్పుడు నీలం రంగు వస్తుంది. సముద్ర జలాల్లో జీవించడం వల్ల తక్కువ ఆక్సిజన్ ఉండే పరిస్థితుల్లో హీమోసయానిన్ చాలా సమర్థవంతంగా పనిచేస్తుంది. ఆకుపచ్చ రంగు రక్తం ఉన్న జీవులు న్యూగినియా లిజర్డ్స్ . ఆకుపచ్చ బల్లి జాతిలో రక్తమే కాదు దాని కండరాలు, ఎముకలు కూడా ఆకుపచ్చగానే ఉంటాయి. బిలివెర్డిన్ అనే కెమికల్ ఉండటంతో ఆకుపచ్చ రంగు రక్తం ఏర్పడింది. ఈ కెమికల్ మనిషికి విషపూరితం. ఈ బల్లులు మాత్రం విషాన్ని తట్టుకునేందుకు తగిన శక్తిని అభివృద...